Luke 3

Yohanna La Yawo Tnu-Tnu

1– 2Esu, Taiberius Kaisar ɓo ku ʼbe gyi aye awo-cei-atnu, nsayi nu Shekwoyi wa daɓo n Yohanna yi Zakaria nugun. Yohanna ɓei n wo puwai gni n zhabui nu n sayi. N sayi kwa Bilatus nu ɓei zhin esu n Yahudiya. Hirudus woi zhin esu n Galili. Owo zado kwa, Filibus woi gyi be tu Ituria tukwo n Traikonatus yi. Lisanias nu ɓei zhin Abiline esu. Nsayi kwa Anas ɓedo n Kayafas yi ɓei zhin malami dnagmayi. 3Yohanna kwa wa zan-zan laɓa vi-viyi n Urdun gbei, woi zhin wa ʼazi ge, aza ɓa zhin baptsima. Batisma ye ɓo wu ge aza ʼɓa ku laifi fa n nabai a zhin ɓa gafara.

4Dna n anabci n Ishaya ɓei zhin nyi Yohanna ɓo zhin begye nu dna zhabui. Wa zhin Yesu zokwo aba. Wa ɓe ko pata ntuge wa vi. 5Wa mi ape ya. Wa nu aba woi knu akwana ya laɓa. 6Nsayi aza vinya ɓa gye zagniyi n Shekwoyi wa tnu n woi nyi. (Wato Yesu.)

7Fye wo misali Yohanna waʼazi nya sanu nwo ɓei zhin aza nyi. “Efye awa ɓi fye cei pma fya bui ena si, amma fye to cei pma fya ɓe Shekwoyi a ba m. Cenu zhin fye ye azhin fye baptisma ko? 8To sai fya wu ge fye ku tuba zhin dna n fye zan zan mi. Fye to zhi fyei ci ge, yi zhin Ibrahim ayawyi nu m. Deye to kun lo m. 9Nsaiye ma, Shekwoyi aze tatalva tulo nfye. Wo cei pma wa mifye ya zhi kni. Eh, shinwan doho-doho n kwo to ga ampanyi m, aɓa zunko ya, a yakwo dna n na.”

10Aza ci Yohanna ge, “Ho cei pma ya zhin kni nuʼa?”

11Yohanna ci ge, “Ngye ho na ajei lo ngnu aba, to, sai ha ga zaho gmanyi. Ngye ho nyagyi lo n mwa, to, sai ha cega ʼza nɓa to cei lo m.”

12Agadu goyi n ɓa zhin rikici sosai nyi, ɓa ku ɓe n nabai a zhin ɓa baptisma. Ɓa nya ge, “Yiɓa wu nwuna ge yiku alaifi fa?”

13Yohanna wa ciɓa ge, “Efye gaiciya zhin nu ɓa wu. Fye to gwo gadu ndu tu m.”

14Har ma a soja ɓo ku ɓe. Ɓa nyage, “To yiɓa zhin wuna ceʼa?” Yohanna wa gnage, “Fye to gwo agyiwye na kala yi m. Fye to ce akata fi ʼza pei-pei m. Fye fa efye albashi ɓa fye knu.”

15Ezaho-zahoyi ɓa pmi Masihu (Kristi) waɓe. Ɓa ɓo cei pma ɓa kpe kwo Yohanna nu zhin Masihu yi. Sai ɓa nyawo ntu ge ɓa kpe.

16Amma Yohanna waciɓa ge, “Mi zhin baptisima n nuwai nu kawai. Amma ozaho ɓelo safyewyi. Wo du mi lo n iko. Har ma mito knuce lo ma zhin wo bara m. Wo ɓo zhin fye baptisma n ena yi njesun n Zafun Gyi-gyi-yi. 17Wo ɓo gna esin ajeya n awyi byegye yi. Nsayi woi gyi akpai na n enayi n kwo ta shan wu m. Amma woi shi awyi-byegye ajiya.” 18Yohanna ɓo pma aza gna n lai nu, sanu n wo ɓei gna ɓa nabari manayi n cei nyi.

19– 20Amma sanu n Yohanna ɓo da Hiridus ɓo, nge nya wa zhin nyi kwo to bmiya lo m, (Gama Hiridus ɓei la nyikwo gwo owo mado.) Hiridus wa Yohanna wan wa dna n kurkuku. Deye kwa ze ngye wo ye alaifi zhi wohin.

21Nwyihoi, sanu Yohanna ɓo ku baptisma zhin aza Yesu wa ku baptisma zhin ce. Sanu n wo ɓei gni woi zhin aduwa eshe kwa guya. 22Zafun Gyi-gyi-yi n wu gye Lukpe wa ɓe wa yatu n Yesu. Nsayi begye ho kwa daɓo n She kwa cige “Ho Zhin emi ʼɓi ye-ye yi nu, Eho ɓo dami sarai.”

Yesu Azakwoyi

23– 24– 25– 26– 27– 28– 29– 30– 31– 32– 33– 34– 35– 36– 37– 38 ▼

▼The text of verses 23-Luk 3:38 has been merged.

Yesu aye ɓo nyi ngye shita nu ʼsanu n wo ɓei ya tnu-tnu n cei nyi. Yesu ɓei zhin ngye Yusufu ʼɓi nu. Yusufu dada kwa Hali nu, Hali dada kwa Matthata nu. Matthata dada kwa Lavi nu. Lavi dada kwa Malki nu. Malki dada kwa Yonna nu, Yonna dada kwa Yusufu nu. Yusufu dada kwa Mattathiya nu. Mattathiya dada kwa Amos nu. Amos dada kwa Nahoma nu. Nahoma dada kwa Hosli nu. Hosli dada kwa Najjaya nu. Najjaya dada kwa Maʼatha nu. Maʼatha dada kwa Mattathiya nu. Mattathiya dada kwa, Shimi nu. Shimi dada kwa Yuseka nu. Yuseka dada kwa Joda nu, Joda dada kwa Yohanna nu. Yohanna dada kwa Risa nu. Risa dada kwa Zarubabila nu. Zarubabila dada kwa Nari nu. Nari dada kwa Malki nu. Malki dada kwa Ad-di nu. Addi dada kwa Kusama nu. Kusama dada kwa, Almadama nu. Almadama dada kwa Iri nu. Iri dada kwa Yosi nu. Yosi dada kwa, Aliazara nu. Aliʼazara dada kwa Yarima nu. Yarima dada kwa Matthata nu. Matthata dada kwa Lawi nu. Lawi dada kwa Shimʼon nu. Shimʼon dada kwa Yahuda nu. Yahuda dada kwa Yusufu nu. Yusufu dada kwa Yonanna nu. Yonanna dada kwa Aliyikima nu. Aliyikima dada kwa Malaya nu. Malaya dada kwa Minana nu. Minana dada kwa Matthata nu. Matthata dada kwa Nathan nu. Nathan dada kwa Dawuda nu. Dawuda dada kwa Yossa nu. Yossa dada kwa Abida nu. Abida dada kwa Buʼaza nu. Buʼaza dada kwa Salmuna nu. Salmuna dada kwa Nahoshina nu. Nahoshina dada kwa Aminadaba nu. Aminadaba dada kwa Arama nu. Arama dada kwa Hasruna nu. Hasruna dada kwa Farisa nu. Farisa dada kwa Yahuda nu. Yahuda dada kwa Yakubu nu. Yakubu dada kwa Ishaku nu. Ishaku dada kwa Ibrahim nu. Ibrahim dada kwa Tarah nu. Tara dada kwa Nahura nu. Nahura dada kwa Saruja nu. Saruja dada kwa Raʼuwa nu. Raʼuwa dada kwa Falaju nu. Falaju dada kwa Abiru nu. Abiru dada kwa Shalahu nu Shaluhu dada kwa Kinana nu. Kinana dada kwa Arfakahada nu. Arfakahada dada kwa sama nu. Sama dada kwa Nuhu nu. Nuhu dada kwa Lamaka nu. Lamaka dada kwa Matushalaha nu. Matsuhalaha dada kwa Anuhu. Alnuhu nu dada kwa Yanda nu. Yanda dada kwa Mahalailu nu. Mahalailu dada kwa Kanʼana nu. Kanʼana dada kwa Anesha nu. Anosha dada kwa Shitu nu. Shitu dada kwa Adamu nu. Adamu dada kwa Shekwoyi nu.